كورس Claude Code بالعربي

للمبتدئين 8 دروس مرتبة بالعربي

تعلموا Claude Code من الصفر، بدون أي خلفية برمجة

Claude اللي تعرفونه من المحادثة صار يقدر يمد إيده: يرتب ملفاتكم، يبني موقعكم، ويخلي شغلكم اليومي يمشي بروحه. هالكورس ياخذكم من أول تثبيت لين أول Automation، بكلام كويتي مفهوم.

ادخل Claude School شوفوا المنهج

شنو بتطلعون فيه من الكورس؟

مو نظريات. كل درس يوقف عند نتيجة تقدرون تلمسونها.

  • تثبتون التطبيق وتسوون أول طلب حقيقي من التحميل لين أول نتيجة تشوفونها بعينكم، بدون خوف من الواجهة.
  • تبنون Skills: طرق شغل محفوظة المهمة اللي تتكرر عليكم كل أسبوع، تنحفظ مرة وتنعاد بضغطة.
  • توصلون Claude بأدواتكم عبر MCP ملفاتكم وخدماتكم صارت بمتناول إيده، بصلاحيات انتوا تحددونها.
  • تتحكمون بالجودة عبر السياق تفهمون ليش النتائج تضعف لما القعدة تطول، وشلون ترجعون الجودة.
  • ترتبون تعليماتكم بالملفات قواعد عامة لكل مشاريعكم، وقواعد تخص كل مشروع بروحه.
  • تنشرون موقعكم وتسوون Routines موقع حي برابط، وشغل يومي يمشي بروحه حتى والجهاز مسكر.

الدروس الثمانية

الترتيب مقصود: كل درس يبني على اللي قبله، من الفهم لين النشر والأتمتة.

  1. 1 شنو Claude Code؟ نفس Claude اللي تعرفونه، بس صار يقدر يمد إيده ويشتغل داخل مشروعكم.
  2. 2 تحميل Claude Desktop وأول طلب أول يوم دوام للموظف اليديد: نجهز له المكتب ونتمشى فيه، وبعدها نعطيه أول شغلة.
  3. 3 Skills: طريقة شغل محفوظة بدل ما تشرحون الطبخة من البداية كل مرة، تقولون له: استخدم هالوصفة.
  4. 4 MCP والـConnectors: وصلوا Claude بأدواتكم MCP مثل شكل القابس الموحد، والـConnector هو السلك الجاهز لخدمة معينة.
  5. 5 Tokens والـContext: طاولة شغل Claude الـTokens قطع صغيرة، ونافذة السياق مساحة الطاولة. إذا فهمتوا الطاولة، فهمتوا ليش الجودة تنزل وشلون ترجعونها.
  6. 6 الملفات: تعليمات عامة وتعليمات مشروع ورقة تعليمات تمشي بكل المكاتب، وورقة ثانية داخل مكتب واحد. إذا فهمتوا هالفرق، ترتيب شغلكم يصير أسهل وايد.
  7. 7 ابنِ موقعك الشخصي وانشره GitHub يحفظ المشروع، Vercel يحوله لرابط حي، والـdomain عنوانه. وانتوا ما تجهزون شي: Claude يسألكم.
  8. 8 Automations وRoutines: شغل يمشي بروحه فيه شغلات تحتاجونها كل يوم. بدل ما تكتبون نفس الطلب كل مرة، خلوها تشتغل بروحها بوقتها.

كل صفحة درس تعرض شنو بتتعلمون فيه. الدروس نفسها، بالفيديو والتطبيق، داخل المجتمع.

لمن هالكورس؟

لكم إذا

  • ما عندكم أي خلفية برمجة، وودكم تنجزون بالذكاء الاصطناعي صج
  • عندكم شغل أو مشروع أو دراسة، وفيها مهام تتكرر عليكم كل أسبوع
  • جربتوا الشات العادي وحسيتوا إنه «يتكلم» أكثر ما «يسوي»
  • تبون تتعلمون بالعربي، بأمثلة من واقعنا

مو لكم إذا

  • مبرمجين متقدمين تدورون تفاصيل الأدوات العميقة: هالنسخة مبنية للمبتدئين
  • تدورون وعود فلوس سريعة بدون شغل: هني نتعلم ونبني، ما نبيع أحلام
  • ما عندكم استعداد تجربون بإيدكم: الكورس كله تطبيق

بنهاية الكورس

تفهمون Claude Code، مثبتينه على جهازكم، بنيتوا أول Skill، ربطتوا أول خدمة، نشرتوا موقعكم الشخصي برابط حي، وسويتوا Routine تشتغل بروحها. مو «شفنا فيديوهات»: سوينا.

الدروس هني تفهمك. المجتمع يخليك تطبق.

كل اللي تحت موجود داخل المجتمع فعلا، مو وعود:

  • الفيديوهات الكاملة لكل درس، مع التطبيق خطوة خطوة
  • البرومبتات والسكلز والملفات الجاهزة
  • دعم مباشر: تسأل وسلمان والأعضاء يجاوبونك
  • دروس وكورسات ثانية غير هالكورس
ادخل Claude School مجتمع Salman AI+ على Skool